القائمة الرئيسية

الصفحات

أخبار الاخبار[LastPost]

تحصينات البط ومعلومات حقلية للمهندس عاطف عبد الدايم


"تحصين البط" امراض البط" تربية البط"البط البلدي" انواع البط المهاجر" "انواع البط" "امراض البط" "البط المسكوفي" "البط البلدي" "البط البغالي" "البط الفرنساوي" "امراض البط" "طريقة تربية البط" "ماذا يأكل البط" "غذاء البط" "ادوية للبط" "طيور البط" "تسمين البط" تربية صغار البط" "طريقة تربية صغار البط" افضل طرق تربية كتاكيت البط" "تسمين البط طبيعي" "فوائد بيض البط" "البط يرقد على البيض" "تحضير البط للبيض" "تحضين البط للبيض طبيعي" "طرق تحضين البط للبيض" تربية البط الصحيحة" "لحوم البط" "الطريقة الصحيحة لتسمين البط"
تحصين البط




تحصينات البط ومعلومات حقلية للمهندس عاطف عبد الدايم

الجماعة مربى البط
بينتقدونا فى ان غالبية البوستات عن الفراخ وانهم لم يكن لهم نصيب معنا الا فى قليل من البوستات
واكثر سؤال بيتسال عاوز برنامج تحصين لدورة بط وانا ارد اقول مفيش برنامج ثابت لازم حد من المختصين فى منطقتك وهو اعلم بالامراض والوبائية فى المنطقة هو اللى يحط البرنامج
دا اهم سؤال اتسال
هل ينفع احصن تحصنتين مع بعض زى الفراخ كدا
قلتلهم البعض ينفع خاصة الالتهاب الكبدى (duck hepatitis) مع الانفلونزا

طيب تعالى نستعرض تجربة لمعهد العباسية بتاع المصل واللقاح
علشان ناكد الكلام دا
وهنطلع من التجربة باكثر من فايدة
التجربة بتقول
عينة بط محلى اتقسمت الى 8 مجموعات
المجموعة الاولى اتحصنت التهاب كبدى على عمر يومين واتكررت على عمر 23 يوم حقن تحت جلد الرقبة
المجموعة التانية اتحقنت تحت جلد الرقبة H5N1 على عمر 2 اسبوع
الثالثة اتحقنت H5N2 على عمر 2 اسبوع
الرابعة اتحقنت التهاب كبدى عمر يومين وبعد اسبوعين اتحقنت خليط من التهاب كبدى مع H5N1
المجموعة الخامسة اتحقنت التهاب كبدى عمر يومين وبعد اسبوعين اتحقنت خليط من التهاب كبدى مع H5N2
السادسة اتحقنت H5N1 and H5N2
السابعة اتحقنت عمر يومين التهاب كبدى وبعد اسبوعين اتحقنت ال3 تحصينات مع بعض التهاب كبدى , H5N1 and H5N2
الثامنة متحصنتش وتعتبر مجموعة سيطرة

وبعد 20 يوم من اخر تحصينة فى كل مجموعة عملو اصابة بفيرس الالتهاب الكبدى بعترة حقلية مصرية قوية وبعد 15 يوم من التحدى او الاصابة الصناعية دى راقبو وقاسو كل حاجة حصلت
تعالى الاول نشوف درجة الحماية لكل برنامج مقابل التحدى الحقلى
افضل برنامج عمل حماية 100% كان للمجموعة 5 اللى اتحصنت التهاب كبدى وبعد اسبوعين خليط من الانفلونزا مع الالتهاب الكبدى
مجموعة 1 و7 عملو 90% حماية
المجموعة الرابعة عملت حماية 80%
طبعا المجموعة 8 ماتت كلها اللى متحصنتش خالص
عارف نفهم من كدا اية
ان خلط تحصين الالتهاب الكبدى مع الانفلونزا مش ابطلو بعض بالعكس عمل اعلى حماية
ومن هنا نقول انك ممكن تحصنهم عادى مع بعض بدون خوف
طيب اخبار تتر الانفلونزا اية بعد الخلط دا
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اعلى تتر مناعى عملتة المجموعة 6 و7
كان 128 HI واستمر المناعة فى الارتفاع حتى الشهر التانى بعد التحصين وبدا تنزل عبد
دا دليل ان سواء حصنت انفلونزا لوحدها او خلط نوعين الانفلونزا مع الالتهاب الكبدى بردة حصل ارتفاع فى المناعة
على فكرة اعلى مناعة للانفلونزا اللى جمعت بين النوعين H5N1 and H5N2
اما تحصين اى نوع منهم لوحدة كان اعلى تتر كان 64
المهم نطلع من البوست دا بحاجتين
اولا يجوز نحصن انفلونزا مع الاتهاب كبدى دون التاثير على اى تحصينة منهم لان كل واحد فيهم رايح فى اتجاة بالنسبة لجسم الطير
ان اقصى مناعة فى للالتهاب الكبدى تبدا بعد اسبوعين وتستمر الى شهرين ولو دعمتها بتحصينة تانية بعد 20 الى 25 يوم تغطى معاك الى اخر دورة البط
اتمنى بعد سرد التجربة البحثية دى اننا نكون اضفنا حاجة جديدة لمربى او مشرفى مزراع البط
عاوزين بتوع البط يكونو كتير علشان ننزل بوست اخر عن الريميرللا اللى مجنناهم دى
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم
منقول
المصدر
شاهد ايضا
  1. مهندس عاطف عبد الدايم وفوائد تحميض المياة لتسمين الدواجن
  2. مهندس عاطف عبد الدايم ومقاومة الفيروسات بالاعشاب-امراض الدواجن
  3.  برامج المهندس عاطف عبد الدايم الخاصة بمكافحة مرض الIB للدواجن
  4. جميع برامج الاضاءة  لطيور التسمين-مهندس عاطف عبد الدايم
  5. برنامج تطهير وتعقيم لمزرعة موبؤءة - مهندس عاطف عبد الدايم 
  6. العوامل الطبيعية والغير طبيعية  التى تؤدى الى زيادة استهلاك الطيور لمياة الشرب
  7. علاقة الميكوبلازما ب فيرس النيوكاسل وفيرس ال IB  
  8. عاطف عبد الدايم يكتب -ارفض دفعة الكتاكيت فورا اذا وجدت بها هذا المرض
  9. مهندس عاطف عبد الدايم يكتب/ معلومة في كبسولة لمربي الدواجن
  10. مرض الالتهاب الكبدي الوبائي في البط 



هل اعجبك الموضوع :

تعليقات