مهندس عاطف عبد الدايم يكتب/ معلومة في كبسولة لمربي الدواجن

لازم تحصن اتش9 فى التسمين

التحصين الجيد فى الموعد الجيد بيعمل مناعات معقولة

ك كلام علمى

لها الفوايد الاتية

تقليل افراز الفيرس فى الحقل وتقليل الحمل الفيروسى فى الجو نفسة

ايضا تقليص مدة المرض جدا يعنى لو عنبر اتصاب ومش متحصن بتستمر الاصابة فترة من 7 الى 9 ايام هنا بيكون النافق عالى

ولو متحصن من2 الى 4 ايام بالكثير هنا بيكون النافق اقل بكثير

لا اقصد هنا العدوى المختلطة مع فيرس اخر

دى مشاهدات حقلية عديدة

لكن على مستوى المزراع اللى فيها متابعة علمية ورعاية جيدة وتاسيس مناعى جيد بفضل الله الاصابة ب الاتش9 مع التحصين فى الموعد المناسب واللى هو اما اول يوم فى الدورة او فى معمل التفريخ

مش بتيجى الا نادرا

ايضا كل ما سبق ملاحظات اكثر من 36 مزرعة فى الشتا الحالى

طيب يا مهندس عاطف انا حصنت واتصبت

هقولك كلامك صح بس غير شركة اللقاح (( بالله ما حد يسالنى على اى شركة لانى مش بقول كلام تجارى ولا ب اروج لاى شركة ))

طيب هتقولى يا مهندس عاطف حصنت بعد عمر اسبوع واتصابت

هقولك افضل موعد اما فى المعمل او عمر يوم فى المزرعة ولو كنت مجبر ف معاك حتى 3 ايام

هتقولى يا مهندس عاطف حصنت وقست مناعة وطلعت اصفار

هقولك غير نوع اللقاح لانها حصلت معايا مرة

هتقولى بيعطى مناعة بعد كم

هقولك انا قست مناعات لاكثر من 22 مزرعة

فية اللى بدا يعطى مناعات من عمر 18 يوم وفية من عمر 20 وفية 22

يعنى الخلاصة بيغطيك من اول العشرينات

على شرطين

نوع اللقاح

موعد اللقاح

الاثنين يكونو صح

الخلاصة من واقع حقلى

تحصينة الH9 للانفلونزا مجدية جدا فى التسمين

الاخوة المشرفين اللى تختلف معايا لكم كل الود والاحترام واختلاف الاراء لا يفسد للود قضية

لكن انا بنقل مشاهداتى الحقلية بكل حيادية وامانة علمية

فى البوست القادم هنقول لما تكون الامهات مصابة بالمرض هنعمل اية فى التسمين

وهنقول قياسات عملتها وكان فيها بعض المفاجئات وهنفسر سبب المفاجات دى

واية الافضل التحصين اتش9 لوحدو ولا الثنائى مع النيوكاسل

كل دا هنقولة وب الارقام بامر الله

هذا ما اعلمة

والله اعلى واعلم

اللهم اجعل عملنا هذا خالص لوجهك الكريم

مع تحياتى وشكرا

مهندس عاطف عبد الدايم

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

كلمة تفريغ يعنى العضلة تفك او تخس منك يعنى الوزن يقل

ندخل فى المهم

طول فترة التجويع

سواء التجويع دا بسبب اصابة فيروسية او شيئ اخر

بيزيد من انزيمات التفريغ للعضلة سواء فى دجاج التسمين والرومى ايضا

سواء عضلة صدر او ورك

يعنى بيخلى طير التسمين يفرغ بعد ما كون لحم

جميع السلالات الحديثة اذا اتجوعت لاى سبب بتعمل تفريغ

طيب هل اذا جاعت وقت برنامج الاظلام ممكن تعمل تفريغ؟؟

الاجابة لا

بسبب اختلاف العمليات الهرمونية بين الحالتين

طيب اقصى وقت تجويع ومش بيفرز معاة انزيمات التفريغ كم ساعة؟؟

معاك حتى3 الى 4 ساعات

اذا زادت عن كدا بدا انزيمات التفريغ يزيد ى العضلة

الناس المختصين هيسالو اية اللى بيعمل تفريغ فى العضلة

هقولك اسمة اتروجين 1

وايضا البروتيوزوم

واليوكوبين

اول ما تسمع اى اسم من دول فى اى عضلة اعرف انها هتخس وتفرغ منك

اللهم اجعل عملنا هذا خالص لوجهك الكريم

مع تحياتى وشكرا

مهندس عاطف عبد الدايم