عاطف عبد الدايم يكتب -ارفض دفعة الكتاكيت فورا اذا وجدت بها هذا المرض
 |
| امراض الكتاكيت |
هنتكلم اليوم عن مشكلة مرضية انا بنعتبرها ارخم من الفيروسات
الا وهى Aspergillosis الاسبراجيلس احيانا يسمى Brooder pneumonia
والاسم الاخير دا لانة بيعمل التهابات رئوية فى اول حياة الكتكوت
طبعا الموضوع كبير جدا.
وعلشان نغطى المرض دا من كل جوانبة سواء العلمية او الحقلية ف عاوز كتاب كامل
لكن تعالو نختصر بقدر المستطاع.
انا مش هنتكلم عن انواع الاسبراجيلس او الفطريات وازاى اعرفها من بعضها
علشان الموضوع مش يطول خلينا فى النوع اللى بيجى للكتكوت اول العمر او اول اسبوعين
اسمة Aspergillus fumigatus.
وعلشان نعرف نشرح المرض لازم نفهم مكونات الفطر علشان لما اجى اقولك هيفا الفطر او hyphae, تكون عارف يعنى اية او علشان اقولك جرثومات او غبرات الفطر او conidia or spores تكون عارفها
انا مش هشرحها بالتفصيل بس صدقنى لو مش قلتها هتلاقى الالفاظ صعبة عليك.
المهم
الفطر دا علشان ينمو بيكون مكون من الهيفا بتاعة الفطر شوف تحت كدا فى الصورة الهيفا دى يطلع منها ساق او رقبة اسمها conidiophore
والساق او الرقبة دى تنمو وتعمل حاجة زى الرقبة كدا اسمها vesicle,
واللvesicle, دا بيخرج منة الغبرات او البوغات او الاسبورز او الكونديا
اخر اسم دا هو اللى هنكررة دايما
يعنى الكونديا دى اللى بينتجها الفطر لما يلاقى ظروف مثالية زى حرارة مناسبة ورطوبة ومادة عضوية
و الكونديا هو اللى هيدخل جسم الطير وهيعمل البلاوى اللى هنشرحها الوقتى
------
اول حاجة المرض بيجى منين ؟
من معمل مش مطهر البيض او امهات ملوثة او نقل كتكوت بطريقة غير مطهرة
طيب هل الفطر دا مش موجود غير بالطريقة دى
؟
بكل اسف الفطر موجود فى كل مكان حتى الهواء اللى حوليك ولو اخذت عينة هوا من اى حظيرة لازم تلاقى كمية من الفطريات طالعة فى التحليل
كمان موجود فى اى فرشة
بس طبعا فى الفرشة الرطبة بيكون عدد الفطريات اعلى بكتير من الفرشة الجافة
=====
طيب المرض بيحصل ازاى؟
المرض دا لعين جدا يعنى بختار اامن عضو فى جسم الطير ويجرى علية
يعنى بمجرد ما الفطر يفرز ال الكونديا بتاعتة بيدخل عن طريق فتحتى الانف ومنة الى القصبة الهوائية ومنة الى التفريعة بتاعة القصبة ومنة الى الاكياس الهوائية الصدرية ثم يرجع مع الهواء الى الرئة
يعنى بيدخل مع مجرى الهواء تمام وبيساعدة فى كدا انة قطر ال الكونديا بتاعة الفطر تقريبا 2 الى 4 ميكرون واللى قطرها اعلى من كدا مش بتوصل للرئة كدا بل بتعمل اصابات اعلى الجهزا التنفسى فقط
طيب من خلال خط سير الفطر بفهم اية ؟؟
انة اول ما يدخل من المنقار الى القصبة الهوائية بيعمل اعراض تنفسية وطالما بيمر على عضو الصوت فى الكتكوت اللى اسمة السارنيكس وبيعمل فية الدرنات بتاعتة ف اكيد بيعمل شهقة وكتم فى الصوت وطالما وصل للرئة فبيعمل التهاب رئوى
كدا فهمنا خط سيرة واعراضة.
اضيف للاعراض فقدان شهية تدلى الجناح تغميض العين بيعمل اسهال ابيض واحيانا مخلوط باخضر بيعمل صعوبة فى التنفس وسرعة فى التنفس ايضا.
فية ميزة تعرف منها المرض دا
انة دايما مصحوب بعطش يعنى اى قطيع مصاب بالفطر دا تلاقية بيستهلك مية اكثر
طيب هل ممكن الاسبراجيلس تعمل اعراض عصبية ؟؟
الاجابة نعم
لانة بيدخل من الحاجز المخى وممكن يعمل عرض عصبى ولف رقبة بس بصراحة الصفة دى مش منتشرة كتير يعنى مثلا كل 20 طير تعبان ممكن تلاقى واحد
الاسبراجليس اشهر اعراضة انة بيعمل حبيبات او ندب بيضا الى مصفرة على الاكياس الهوائية فى اول مرحلة من المرض وبعد كدا يعمل نفس الشكل دا فى الرئة
طبعا فية الحبيبات دى على الكبد
-----
طيب بيساعد الفطر دا فى انتشارة بعض الاشياء منها ان الطير نفسة جهاز التنفسى مساعدة على نمو الفطر دا هتسالنى ازاى؟
هيقولك اول ما بيصيب بيكون فى الاكياس الهوائية الصدرية الخلفية
والاكياس دى لا بيوصلها اجسام مناعية اللى هى بتهاجم اى مسبب مرضى بيدخل الجسم وخاصة الميكروفاج وكمان خالية من الاهداب المخاطية على سطحها اللى بتطرد اى حاجة تدخل الجسم يعنى عضو اهبل كدا الفطر اختارة لان مفيش فية اى اليات دفاعية
طيب وفى المزرعة اية اللى بينشط الفطر ويساعدة فى الانتشار
هتلاقى سؤء تهوية
رطوبة الفرشة
نقص تغذية
الغبار اللى مالى جو الحظيرة
طيب لية الاسبراجيلس دا لعين ومفيش حد قادر علية
يعنى لية الجهاز المناعى مش قادر يتصرف معاة
بيقولك ان الكونيديا بتاعة الفطر بيعمل حاجز او قناع من (1, 3)-glucan دا بيمنع ان المناعة او الماكروفاج يوصلو لة كمان بيفرز بروتين بيوقف نشاط الماكروفاج دا كمان عندة صبغة الميلانين اللى بتحمية من اى دفاعات موجودة فى جسم الطير
يعنى بيدخل جسم الطير ومجهز كل اسلحتة
بس علشان نقول كل حاجة فى الجزئية دى
الاصابة بالاسبراجيليس محتاجة عدد كبير جدا منة يدخل الجسم فلو عدد قليل بتقوم بعض الخلايا المناعية زى الheterophils والماكروفاج والخلايا العملاقة تهاجمة
اما لو العدد كبير فطبعا بيكون اكبر من قدرة الخلايا المناعية دى
فتلاقى الاصابة حتى ظهرت فى صورة حبيبات او ندب من الجنبة حولها رشوحات من الخلايا المناعية زى heterophils والخلايا العملاقة والماكروفاج
طيب هل فية علاج للحالة دى
؟هقولك بصراحة فية علاجات كتير زى المواد دى
itraconazole, ketoconazole, clotrimazole,
miconazole, fluconazole and Amphotercin
واقواهم إيتراكونازول لانة
يعمل على اعاقة او تثبيط عملية بناء جدار الخلية الفطرية
لكن بكل اسف حقليا لو جالك كتاكيت مصابة ب الاسبرواجيلس الافضل تقاضى صاحب الكتاكيت
لية التعقيد دا بقا ؟؟
هقولك يا سيدى
اولا العلاج محتاج اقل حاجة 5 ايام متتالية ومش ساعات كتير بينجح لان نحاجة معتمد على مرحلة تكون التجبنات او الندب البيضا دى فلو انتشرت واحاط بيها الخلايا المناعية اللى قلناها فوق فالعلاج مهما كان مش هيكون قوى
هل كدا بس؟
لا
بكل اسف الفطر دى بيفرز انزيمات هى تعتبر اكثر الانزيمات اثارة ونشاط للفيروسات وخاصة الانفلونزا والاى بى
لان بيفرز البروتييزز اللى بيحبها الفيرس وبينشط عليها
يعنى لو لا قدر الله وجالك فيرس والقطيع كان مصاب بالاسبراجيلس فبكل اسف النافق هيكون عالى جدا والضراوة هتكون اشد
ودا كان احدى تجارب اخوكم مهندس عاطف عبد الدايم
كمان المعلومة دى موجودة فى فى رسالة دكتوراة مصدرها المعهد اليابانى للفيروسات
طيب من تجارب اخوكم مهندس عاطف على حالات مشابه بس كانت قليلة الشراسة
اختار اى منتج فية نيستاتين بس بالتبادل مع مضاد سموم حمضى لان غالبية مضادات الفطريات بتقوى فى الوسط الحمضى
كمان تجربة اخرى كانت ب كبريتات النحاس مع الخل لمدة 5 ايام بالتبادل مع Amphotericin لمدة 4 ايام متتالية وكانت النتايج مرضية بفضل الله
بس لو اتاخرت على الحالة الى مرحلة الوصول الى انتشار التجبنات الصغيرة البؤرية دى وفرشت جوة الجسم وقتها صعب يجيب نتيجة اى علاج معاة
ايضا ملحوظة حقلية خاصة ايضا ب مهندس عاطف عبد الدايم
وهى علاقة خلايا التبريد بالاصابة الفطرية
ودى بتحصل لما تكون خلايا التبريد فى الشمس وفى دورات بيكون الخلايا دى بتجف وينمو عليها بعض النموات الفطرية طبعا بمساعدة الرطوبة والحرارة والمواد العضوية فى الخلايا بينمو الفطر ويفرز الاسبروز بتاعتة وبمجر ما تشغل المراوح يدخل الاسبورز بتاعة الفطر مع الهواء داخل الحظيرة وتبدا المرض
اسف جدا على الاطالة بس صدقونى لسة فية كلام علمى وحقلى كتير
ووحاولت اختصر بقدر المستطاع حتى لا يمل الناس
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم
شاهد ايضا
شاهد ايضا
- مهندس عاطف عبد الدايم وفوائد تحميض المياة لتسمين الدواجن
- مهندس عاطف عبد الدايم ومقاومة الفيروسات بالاعشاب-امراض الدواجن
- برامج المهندس عاطف عبد الدايم الخاصة بمكافحة مرض الIB للدواجن
- جميع برامج الاضاءة لطيور التسمين-مهندس عاطف عبد الدايم
- برنامج تطهير وتعقيم لمزرعة موبؤءة - مهندس عاطف عبد الدايم
- العوامل الطبيعية والغير طبيعية التى تؤدى الى زيادة استهلاك الطيور لمياة الشرب
- علاقة الميكوبلازما ب فيرس النيوكاسل وفيرس ال IB
- مهندس عاطف عبد الدايم يكتب/ معلومة في كبسولة لمربي الدواجن
- سلسلة نصائح للمربى المبتدأ في مجال تربية الدواجن/م.عاطف
- افضل انواع الكتاكيت البيضاء في السوق ومميزات وعيوب كل نوع
تعليقات
إرسال تعليق
يرجى الاشتراك في المدونة لكي تسطتيع اضافة تعليق ونشكركم جدا على حسن المتابعة : فريق عمل كوكب الصين