احمد رمضان يكتب (حوار مع بائعة خضار )

إشترك في النشرة البريدية

إغلاق القائمة
جميع الحقوق محفوظة لـ كوكب الصين © 2019

الرئيسية / / احمد رمضان يكتب (حوار مع بائعة خضار )

احمد رمضان يكتب (حوار مع بائعة خضار )



محتويات الموضوع





    ... مكنتش اعرف انك بياعة خضار غير وانا ماشي في السوق وشوفتك صدفة
    مكنتش مصدق لحظتها انه انتي اللي قاعدة بتبيعي 😠


    شكلك ولبسك والشمس اللي ضاربة في وشك ومغيرة ملامحك خلوني اشك فيكي 
    وكنت بقول في بالي مش ممكن تكون هي واكيد واحدة تشبه لها


    لكن لما ركزت في وشك اكتر بدون ما تاخدي بالك وشوفت الحسنة اللي على خدودك فتأكدت انه انتي


    من وقتها وانا بسأل نفسي
    معقول هي دي البنت اللي انا حبيتها وبتقابلني وهي في قمة الشياكة وريحة البرفان اللي بشمة من على بُعد وانتي جاية ناحيتي


    مش قادر استوعب اني ممكن اقع في الفخ ده

    _
    (( فخ؟؟
    حبك وحبي بتسمية فخ؟ بدل ما تسألني عن ظروفي اللي اجبرتني اني اعيش بالشكل ده
    انت لو عديت من نفس الشارع كل يوم هتشوف ست كبيرة ولابسة جلابية سودا قاعدة مكاني
    الست دي تبقى امي 
    ايوة امي


    امي اللي بقالها سنين بتقعد في نفس المكان والشمس بتضرب في وشها عشان ترجع اخر اليوم بشوية فلوس فكة تصرفهم عليا انا واخواتي
     امي اللي عايشة مجرد رقم بالنسبة ليكم واللي بتعتبروها كائن ملوش اي دور في الحياة غير انها بتعمل اشغال في الطريق ليكم بشوية الخضار بتوعها😢😢
    الكائن الوحيد اللي بتعملوا عليه اذكياء وتفاصلوا معاه في الحساب عشان توفروا جنية بالرغم انه عادي بالنسبة ليكم لما تحرقوا 100 جنية على بنزين العربية😏
    يمكن امي بالنسبة ليكم ملهاش فعلا اي دور .. لكن بالنسبة ليا هي كل حياتي وهي اجمل واحلى حكاية انا بعيش جواها 


    امي لما تعبت ومقدرتش تنزل تبيع الخضار انا نزلت وقعدت مكانها وبفتخر انك شوفتني على حقيقتي وشوفت شكلي الجقيقي وبفتخر بلقبي (بنت بياعة الخضار)
    البنت اللي بتسدد دين بسيط لامها 
    ولو على لبسي الشيك اللي بقابلك بيه والبرفان اللي بتشمه وكان بيعجبك كل مرة فده 

    مش جريمة 
    مش جريمة اني البس واتشيك زي اي بنت نفسها تتمتع بجمالها وشكلها 
    مش جريمة اني احب واتحب 

    وعلى فكرة انا قبل ما احبك وانا عارفه كويس انا بحب مين وعارفه انا اخترت مين 
    انا مبصتش لفوق لما اخترتك ولا طمعت في ثروة عندك او عند ابوك 
    انا عارفه كويس انك ابن عم محمد البواب اللي ساكن في الشارع اللي ورانا 😅😅
    فوكك بقى من جو الدراما وقوم هات لنا كوزين ذرة ناكلهم واحنا ماشيين 💃

    حوار مع بائعة خضار
    احمدرمضان



    شارك المقال

    Abu Jumana
    @مرسلة بواسطة
    كاتب ومحرر في موقع كوكب الصين .


    إرسال تعليق