امل عبد الرحمن تكتب( البلوك الذي جعلني اندم )

إشترك في النشرة البريدية

إغلاق القائمة
جميع الحقوق محفوظة لـ كوكب الصين © 2019

الرئيسية / / امل عبد الرحمن تكتب( البلوك الذي جعلني اندم )

امل عبد الرحمن تكتب( البلوك الذي جعلني اندم )



محتويات الموضوع


    البلوك الذي جعلني اندم

    قد تعيش حياة لا تملك فيها قرارا واحد وعندما تواتيك فرصة اتخاذة تتخذ القرار الخطأ

    رن جرس التليفون
    الو مين معايا
    مين معاكى ؟
    انتى حذفتى رقمى ولا اية
    مختار؟
    ايوة مختار
    ازيك عامل اية؟
    كويس وانتى اية اخبارك؟
    بنعمة الحمد لله
    اية مبتساليش ليه ؟ لازم انا الى ابدا اسال واهتم كل مرة؟

    مختار ارجوك بلاش نعاتب علشان انا تعبت من العتاب والكلام
    مين بيبعد ومين بيهمل التانى ومين بيخرج من حياة التانى من غير كلمة وداع

    لا يا امل كل مرة بنبعد بتكونى انتى السبب بشكوكك واوهامك

    طيب سيبك من مين الى ساب المرة دى
    اية رجعك؟
    مخنوق وتعبان وحسيت انى محتاج اسمع صوتك وافضفض معاكى شوية
    خير مالك؟
    خدت قرار اقفل الفيس والفون وابعد عن الناس شوية
    اية حصل؟
    فاكرة يوم ما حكيت ليكى عن البنت الى كنت مرتبط بيها وبحبها وانا مسافر
    ايوة فاكرة
    من فترة مش طويلة اوى كلمتنى ومكنتش مصدق نفسى قعدنا نتكلم حوالى شهرين
    وفجاة اختفت تانى وبعدت ومش عارف اوصل لها واخيرا عملت صفحة بوك تانية
    وحاولت افهم منها ليه عملت كدة ولية اختفت ردت عليا وقالت لى انها مش هتقدر تكمل
    وانى لازم انسى اننا اتقابلنا مرة تانية
    وعملت بلوك تانى وقفلت الفون
    انا من وقتها حالتى زى الزفت ومش عارف اشتغل ولا اشوف حياتى
    حياتى وقفت من وقت ما سابتنى وبعدت تانى
    وبعدين؟
    عايزك تساعدينى
    اساعدك ازاى
    تدخلى تكلميها من صفحتك وتطمنينى عليها
    دا انا الى ادخل اطمنك؟
    انا الانسانة الى قولت لها بحبك
    انا الانسانة الى كنت جانبك اخت وصديقة وحبيبة
    تبعد من غير كلمة اعتذار علشان حبيبتك السابقة اتوجدت بحياتك
    من غير تصفية حساب للقصة الى بتعيشها او كنت متوهم انك بتعيشها
    اسفة جدا انت بتكلفنى فوق طاقتى
    امل
    انتى فهمتى غلط
    لا انا فاهمة صح جدا
    من ساعة ما بدات تبعد وانا فاهمة علشان كدة انا قررت اخرج من حياتك من غير اى كلام او عتاب
    امل انا محتاج ليكى من فضلك بلاش تتخلى عنى انتى كمان

    مفيش فايدة يامختار
    كل شيء بينا انتهى

    انا نهيت معاها كل حاجة وكنت بتكلم معاها علشان اساعدها لانها كانت فى مشكلة
    ارجوكى بلاش تتضيعى كل حاجة فى لحظة غضب وعدم تقدير وفهم للموقف

    مفيش عدم فهم انت بقيت برا حياتى ومن فضلك حاول منتكلمش تانى فى الموضوع دا
    بعد مرور عشر شهور بالتقريب مختار كان دايما بيعتذر وبيحاول يرضينى باى طريقة لكن
    انا كنت مصممة على عدم الرجوع لحد ما شوفت يوم بوست على صفحتة وبيطلب الدعاء بالشفاء
    دخلت سالت عليه وكلمته
    مالك يامختار؟
    الف سلامة عليك
    تعبان شوية الحمد لله على كل حال دعواتك بس
    اجمد كدة انت تمام؟ بردوا معدتك؟
    ايوة عملت فحصوات كتير وبردوا مفيش فايدة
    اكيد شوية برد خير باذن الله
    واحنا بنتكلم غير الرمز التعبيرى الى كان قلب 
    ليه كدة يامختار؟
    لما كنا بنزعل مع بعض شوية واغيرة كنت تقولى دى حاجة مشتركة بينا مش من حقك تاخدى قرار بيها لواحدك
    من فضلك ياامل مالوش لزوم الكلام انا بس عايزك تدعيلى
    لا انا مش مسمحاك يا مختار
    وعملت بلوك لمدة عام
    وبعد سنة لغيت البلوك وشيلت الحظر من على الفون
    وجالى احساس غريب خلانى ادخل الصفحة وكانت الصدمة
    مات مختار
    مات بالكانسر فى المعدة
    مات وانا عاملة له بلوك
    مات من غير ما افهم
    ومن غير ما يسامحنى
    ..
    انتهى
    بقلم:امل عبد الرحمن




    شارك المقال

    amal salah
    @مرسلة بواسطة
    كاتب ومحرر في موقع كوكب الصين .


    إرسال تعليق