حل نهائي للبق-أعرف ما هو

 قوانين وشروط الصيد والخروج على المياة في النهار-احمدرمضان

صيد السمك

اهلا وسهلا بكم احبابنا الكرام واقصد في هذا المقال الاخوة الصيادين والذين يعشقون الخروج على المياة للصيد سواء بغرض المتعة وحبهم للهواية او بغرض اكل العيش والعمل ,اذا كنت من المبتدئين في هواية الصيد او في رياضة الصيد فلابد ان تتعرف على قوانين الخروج على المياة ومعرفة شروط الصيد وطريقة التعامل على المياة وذالك لتصبح صياد ماهر ومحترم وعلى خلق يتمنى اي شخص ان يخرج معك للصيد.

ما هي اساسيات الصيد والخروج للصيد نهارا

صيد النهار يختلف عن صيد الليل ولكل وقت ظروفه ومتطلباته وشروط التعامل فيه ,لذالك في هذا المقال سوف نوضح شروط الخروج على المياة في النهار للصيد .

1. البس حاجة بكم طويل وعشان الشمس متحرقش جلد دراعك
2. حاول تلبس كاب او طاقية تحميك من الشمس
3. اشرب مياه كتير وانت قاعد تصيد وعشان تعوض العرق والسوائل اللي بتنقص من جسمك
4. رجليك يكون فيها جذمة او كوتشي بشراب ولان في وقت ارتفاع الحرارة بتسرح التعابين على الدواير وبتدور على اي مكان رطب وممكن توصلك بسبب ريحة الزفارة وانت مش دريان.
5. شنطة الصيد بتعتك تكون مقفولة بصورة مستمرة وبلاش تسيبها مفتوحة لان ريحة الطعم زفر وممكن يجذب تعابين وحشرات تانية وتدخل شنطتك وانت مش واخد بالك .
6. وانت بتختار دور تقعد عليه سواء على مصرف او ترعة في النهار وقبل ما تقعد اول حاجة تعملها تبص في الدور وتستكشف المكان عن شقوق تعابين تكون قريبه منك او تلمح توب تعابين امام اي شق او جحر وبمجرد رؤيتك لاي علامة ابعد عن المكان فورا.
7. عدة الصيد تكون معاك كاملة وكمان ادوات صيانة العدة زائد (الاسنان-الخيط-الغماز) لانك متعرفش ظروف الطلعة هتكون ازاي.
8. زجاجة مياه ساقعة خاصة بيك انت ولو كنتوا فريق مع بعض بلاش تستخدموا زجاجات بعض وتشربوا من بوء واحد.

قانون التعامل مع الصيادين وبعضها

1. لو قابلت على الماية اي حد قاعد يصيد فلازم تعرف ان الراجل ده محترم ومؤدب من قبل ما تكلمه وتعرفه وده لان المايه مش بيطلعها رجاله شمال واغلب الصيادين ناس كويسة واخلاق , اعرض عليه خدمتك ولو محتاج اي حاجة وفي مقدرتك تساعده يبقى ساعدة وانت مغمض لانك ممكن جدا في يوم تكون في نفس الموقف.
2. لو رجليك على المكان كتير وعارف الاماكن اللي بتشتغل فيها وشوفت صياد جديد اول مرة ينزل على الماية ,فهمه وعرفه وقوله على الاماكن اللي تشتغل معاه والطعم المستخدم واياك تبخل بمعلومة لانك بتكون سبب ان شخص تاني ياكل عيش بسببك وربنا هيرزقك زي ما ارشدته ونصحته بالظبط .
3. لو معاك ناس اصحابك على الماية فبلاش الهزار والصوت العالي لان السمكة الكبيرة بتخاف من الدوشة ومش بتقرب من الدور وخليكوا على مسافات بينكم وبين بعض ومتشوفش واحد طلع سمكة منهم فتقوم وتروح تلزق جنبه ,لان ده في قانون الصيد عيب.
4. لو معاك ناس طالعة في الصيد بلاش تقعد تسألهم وتقول لهم جبتوا ايه ووريني السمك اللي صيدته وخلي الموضوع ياجي منهم هما بدون اي اسئلة منك ,لان الرزق بيتحسد واكتر ناس عارفه الكلام ده الصيادين والرزق لا بيتعرض ولا بيتصور .
5. لو صياد صحبك فرجك على السمك اللي جابه ,قبل ما تبص قول ماشاء الله وربنا يبارك و يرزق الجميع .

ما هو افضل طعم لصيد السمك بالسنارة

يسأل الكثير من الاخوة الصيادين عن افضل طعم لصيد السمك بالسنارة ورقم (1) في عالم الطعم لصيد السمك هو دود الارض او الدود البحري ويعود السبب في ذالك لان هذا النوع من الدود يأكله جميع انواع الاسماك وجميع الاحجام ولكن اذا تم الصيد به في دور به اسماك شير فسوف تتجمع بسرعه عليه وهذة هي عيوبه.

الدود البحري او الطعم البحري

هو دود يشبه دود الارض ولكن حجمه كبير ويعيش في مياه الترع  ويصلح للصيد في المياة الواسعة ولانه جيد لصيد الحدف ومن عيوبه موته السريع على عكس دود الارض.

الدود الارضي او الطعم الارضي

هو دود يعيش في الاراضي الزراعية ورفيع وقصير في الحجم عن الطعم البحري ولكن مرتفع السعر وهو مميز جدا لصيد السمك البلطي .

مع تحياتي :ابو جومانه

احمدرمضان