حل نهائي للبق-أعرف ما هو

افضل انواع الفراخ البياضة ودراسة جدوى لتربية 1000 دجاجة لانتاج البيض

كيفية انشاء مشروع الفراخ البياضة

النهارده باذن الله هنتكلم عن مشروع مهم جدا وعليه طلب كتير في الفتره الحالية, هنتكلم على دراسه جدوى مشروع تربيه الدجاج البياض ,دراستنا النهارده على 1000 دجاجة لانتاج البيض وتحقيق افضل ارباح لعام 2024 .

مشروع الفراخ البياضة وتربية 1000 دجاجة لمشروع انتاج البيض

. في بدايه مشروعنا عندنا ثلاث اشياء لازم نتكلم عليهم بشكل  مختصر عشان نخش في المشروع على طول

 رقم 1. طبعا دراسه جدوى لمشروع انتاج البيض وتربية 1000 دجاجة

رقم 2 . دراسه السوق من ناحيه الطلب والعرض

رقم 3 نستعين بطبيب بيطري ولو لجزء من الوقت في هذا المشروع 

اهمية مشروع الدجاج البياض او الفراخ البياضة

اي شخص مهتم بهذا المشروع عارف ان المشروع له العديد من التحديات ويتطلب  بالفعل خبره ودرايه في هذا المجال لكن عشان المشروع مربح جدا وده لان البيض منتج مطلوب جدا وحضراتكم في غنى ان احنا نتكلم في احتياجات البيض لكل منزل وكل مطعم وغيره .

 البيض منتج دائم الاستهلاك ومصدر غني بالبروتين بينافس جميع انواع اللحوم ويطلق عليه اللحم السائل,من هنا بتاتي اهميه دراسه الجدوى اللي بتغطي جميع مكونات المشروع وده عشان تتجنب اي مفاجات غير محسوبه تهدر بيها الوقت والجهد المبذول في سبيل الربح من هذا المشروع.

دراسة جدوى مشروع دواجن بياض كاملة

 ودراسه الجدوى بتاعتنا النهارده هنتكلم على تربيه 1000 دجاجه ,كلنا عارفين ان مشروع دجاج البياض بيكون مبني على اكثر من نظام لكن المربي او مدير المشروع للدجاج البياض له اسلوب معين في تكوين المشروع من ناحيه نوعيه الدجاج البياض اللي هيتم بناء المشروع عليه او اعمار الدجاج اللي هيبدا بيها المشروع وجدول التحصينات اللي بيطبق خلال التربيه او الادويه اللي يستخدمها. كل الامور  دي اساسيات لازم من توفرها في البدايه قبل بدايه المشروع .

نوعيه الدجاج المستخدم في المشروع : عشان نحدد نوع الدجاج اللي هنستخدمه في هذا المشروع ليه عامل كبير جدا في الانتاج 

وفي سلالات مختلفه من الدجاج البياض المتواجد في السوق حاليا لكن كل سلاله ليها مميزات وعيوب.

يجب عليك ان انت تختار ايه اللي بيناسبك من حيث النوع والكفاءه الانتاجيه للبيض

 كمان السعر والعمر المتاح قدامك لازم توفر مصدر موثوق عشان طبعا ده تتفادى الامراض الوراثيه اللي ممكن جدا انها تؤثر على الكفاءه الانتاجيه للدجاج في طرح البيض.

 طبعا في هناك امراض وراثيه كثير مختلفه تؤثر بشكل فعال وشكل كبير جدا على الكفاءه الانتاجيه عشان كده مصدر الدجاج اللي انت بتشتري منه عامل مهم جدا من الدرجه الاولى اثناء بد او انشاء مشروع دجاج البياض .

اعمار الدجاج البياض:أعمار الدجاج طبعا ليك الحريه ان تبدا بالاعمار اللي انت شايفها مناسبه ليك ,انت كمبتدئ  لا تبدأ بشراء الكتاكيت وتربيها لان انت ما عندكش الخبره في هذا المجال.

 طبعا جدول التحصين المتسلسل من عمر يوم الى 125 يوم فانت علشان تبدا من عمر يوم طبعا بيبقى صعب عليك كمبتدئ لكن ممكن تبدا زي ما قلنا ان تبدا تشتري الفرخه من عمر 100 يوم هيكون عدي عليها 80% او 85% من جدول التحصين المتسلسل بتاعها الى 125 يوم ,  لو اشتريتها 120 يوم اعرف ان جدول التحصين الخاص بيها يعتبر تم وتبدا تبشر في البيض والانتاج عشان كده ,احنا بنفضل اثناء الشراء انك تقوم بشراء البياض من عمر 100 يوم الى 125 يوم عشان تتخلص من موضوع التحصين وجدول الرعايه وتكون الفرخه او الدجاجه مهيئه ان هي تبدا عندك انتاجيه مباشره

مواصفات مكان مشروع الفراخ البياضة

مكان تربية الدجاج البياض:   ممكن يكون عندك مكانين مكان يا اما تربي ارضي او تربي فى بطاريات المؤشر الاول اللي بياثر على نسبه نجاح المشروع هو حسن اختيار الموقع والتحكم الصحيح في مساحته وده بيجي من عده عوامل

 اولا بالنسبه للموقع بيتم اختيار الموقع الانسب للمشروع وده لاكثر من عامل ومنها الاتي:

سهوله المواصلات المؤديه اليه وتوفر مصادر الطاقه زي الكهرباء والماء ودي حاجه ايضا مهمه 

ايضا بعد الموقع عن المنطقه العمرانيه اللي فيها سكان كتير

 الحاجه الخامسه انه لازم يكون ارض مسطحه بتساعد على دخول وخروج الهواء لضمان التهويه الجيده

المساحة المطلوبة لمزرعة 1000 دجاجة بياض

بالنسبة للمساحه بتختلف المساحه المخصصه للاستثمار باختلاف حجم الاستثمار يعني على سبيل ,المثال الطاقه الانتاجية مثلا لو 1000 دجاجه يحتاج مبنى ليه حوالي 100 متر مربع بيتم تقسيمه 80% من هذه المساحه لقسم الانتاج البطاريات اما الباقي بيتم تقسيمه الى مكتب ودوره مياه .

اضافه الى قسم لتخزين المواد الاوليه بالنسبه لتكلفه العلف زي ما قلنا في دراسه الجدول تكلفه العلف الفرخه الواحدة من 100 الى 120 جرام بالنسبه للتبشير بالبيض , التبشير بالبيض تبدا الدجاجه بتبشير البيض على العمر من 120 الى 125 يوم يكون نسبه الانتاجيه في هذا التوقيت 120 الى 125 يوم حوالي 50% والانتاج بيصل الى 95% على العمر 175 يوم لو الدجاج لم يواجه اي مشكله في الامراض ,او الاصابات اللي ممكن ان هو يتعرض ليها .

ايهما افضل لمشروع الدجاج البياض تربية الدجاج في بطاريات او على الارض

عندنا نوعين من تربية الدجاج البياض اما  تربيه الدجاج اما في بطاريات او  التربيه على الارض  والتربية في بطاريات طبعا بتكون بتوفر كثير عليك وهقول لك ايه الفرق بين التربيه في الارضي والتربيه في بطاريات.

الفرق بين التربية ارضي والتربية في بطاريات

 تربيه الدجاج االتسمين او البياض في بطاريات له عده مميزات 

اولا بتدينا دجاجه نظيفه و انتاج بيض نظيف

 البند الثاني توفير في استهلاك الادويه والعلف

 سهوله مراقبه الدجاج وهي في البطاريات 

سهوله حقن الدجاج وهي في بطاريات

 سهوله عد الدجاج وهي في البطاريات

 كمان سعر البيض النظيف اللي هو في البطاريات او بطايه السلك طبعا بيبقى سعره في حدود من نص الى واحد جنيه زياده عن التربيه على الارضي

 كمان في التربيه الارضي بتلاقي ان الفراخ بيجيلها عاده اسمها عاده الرقاد ولو عملت عدد او ظهر عدد عليه عدده الرقاد انها بترقد في الفرشه في الحاله ديت الدجاجه بتمنع عن وضع البيض

 وبالتالي ده بياثر على الانتاج وينخفض الانتاج طبعا 

 هناك امراض كتير ناتجه عن الفرشه زي الكوكسيديا والكلوستريديا والايكولاي 

 كمان الاسكارس والطفيليات كل ده بسبب التربيه على الارض

 لما تربي في بطاريات بتستوعب عدد اكبر من الفراخ 

 كده ملخص ل جزئيه هل التربيه في البطاريات افضل ام على الارض

مشروع الفراخ البياضة وتحقيق ربح جيد

مشروع الفراخ البياض يا جماعه هو مشروع سهل جدا مش محتاج منك مجهود ولا وقت بالاضافه الى راس مال مش كبير حاول تحتاج في اليوم اربع ساعات ,  ساعتين الصبح وساعتين بالليل حوالي اربع ساعات بالضبط اللي هتحتاجهم في رعايه واداره هذا المشروع 

يعني مشروع بسيط ولكنه مشروع مربح لو نفذنا كل اللي هيتقال في هذاه الدراسه ان شاء الله طبعا احنا عندنا السقايات بتبقى اوتوماتيك الميه موجوده في الخزان تشتغل اوتوماتيك كمان انت هتشتغل ممكن علف اوتوماتيك يبقى انت كده هتوفر عماله وهتوفر مجهود على نفسك.

كيفية اختيار دجاج  مشروع الفراخ البياضة

 تكلفه مشروع الفراخ البياضة  

الفرخ البياض لو هتشتريها عمر 100يوم جاهزه على البيض يعني هتقعد عندك حوالي 30 يوم او 35 يوم بالكتير وتبدا تبشر بالبيض معاك تبدا تبيض معاك لو هتشتريها عمر 100 يوم واخده بتكون واخده ثلاث او اربع تحصيناتها يعني حوالي 80% او 75% من تحصيناتها هيتبقى عليها بس حاجات بسيطه جدا هتاخدها في المزرعه عندك بيكون ليها برنامج طبعا علاجي وبتاخذ من المكان اللي انت اشتريت منه الفراخ هيديلك طبعا البرنامج اللي هو ماشي عليه عشان تكمل عليه في المزرعه عندك .

طب افتراض ان انت عاوز تاخد الفراخ تبيدض عندك ما تطولش ممكن تشتريها عمر 120 يوم وهتقعد عندك حوالي 10 ايام او 15 يوم بالكتير وتبدا تبيض عندك ومن خلال عمر ال 120 يوم هيكون برنامج التحصين بقيله  حاجات بسيطه جدا لا تكاد تعدى 5% .

 احنا بنتكلم على الفراخ البياض اللي هي اتش ان الاحمر والابيض اللي هي بتاعه بيض المائده البيض الاحمر والبيض الابيض بتاع المحلات اوالسوبر ماركت ا ده بغض النظر عن انواع الفراخ البلدي او البيض البلدي حاجه ثانيه 

دراسة جدوى لمشروع  انتاج البيض و تربية 1000 فرخة بياضة 2024

 هذه الدراسه اللي احنا نعملها النهارده طبعا اختلاف السعر هنا على حسب نوع السلاله وعلى حسب برنامج التحصين اللي الفرخه واخداه وعلى حسب طبعا التجانس بتاع الفرخه مش كل واحد هيبيع لك بنفس السعر لان كل واحد هو عارف مكان الفراخه قد ايه يبقى الفرق كله حوالي جنيه او 2 جنيه او 3ه جنيه في الفرخ من مكان لاخر الفرخ هتقعد عندك حوالي زي ما قلنا 30 يوم او 35 يوم تبدا تبيض عندك بعد هذه الفتره الفرخه ال 120 يوم اي يوم زياده بعد ال 100 يوم بتحسب عليك تكلفه زياده .

بند العلف طبعا العلف هو اهم مصروف عندنا الفرخه بتاكل عندنا من 100 جرام الى 120 جرام علف في اليوم انت هتربي مثلا 1000 فرخه في اللي عندك الفرخه زي ما قلنا بتاكل من 100 الى 120 جرام عف في اليوم الواحد يعني لو عندك 1000 فرخه في ا المزرعه عندك يبقى تكلفه العلف من 100 الى 120 كيلو في اليوم طبعا انت لو بتربي 1000 فرخه  عندك في المزرعه , هتديك حوالي من 850 الى 950 بيضه في اليوم الواحد .

دوافع انشاء مشروع الدجاج البياض ومميزاته

من دوافع الاستثمار في هذا المشروع عندنا اسباب كتير

1.  دوره راس المال بتكون سريعه في هذا المشروع
2.  سهوله التسويق البيض المائده وكسره الطلب عليه على مدار السنه
3.  ان متطلبات المشروع متوفره والاجواء المناسبه لاقامته متوفره فمفيش مشكله
4.  التسهيلات القانونيه المسخره لهذه المشاريع
5.  ان المخاطر موجوده فعلا لكنها مش عاليه لو توفرت الخبره والكوادر الفنيه المدربه 
6. مخلفات المشروع غير مضره بالبيئه بل بالعكس بتستغل الفضلات كسماد طبيعي للتربه
7.  بيعتبر طبعا هذا المشروع ا من المشاريع الصغيره في بدايته لمرحله اكبر وبالتالي ارباح اكبر 

بكدة وصلنا لنهاية موضوع اليوم وكيفية انشاء واقامة مشروع فراخ بياضة لعدد 1000 فرخة وكيفية ادارة المشروع وانشائه والربح منه .

بالتوفيق للجميع والسلام عليكم ورحمة الله وبركاته