الفرق بين البيض البلدي وبيض المزارع وسبب الزفارة في البيض
من زمان ونحن نسمع عن ان البيض البلدي افضل بكثير من بيض الاسواق والمزارع على الرغم من ان البيض من مصدر واحد وهو الدجاج وهذا ما جعل الكثير من الناس في حيرة , حتى ازداد الامر في ظهور بعض الشكاوي من الناس على ان بيض المزارع والذي يباع في المحلات الكبيرة به نسبة زفارة مرتفعة وتظهر اكثر عندما يتم سلق هذا البيض سواء كان بيض احمر او بيض ابيض , فما هو السبب لهذة الزفارة وكيف تأتي وما هو الفارق الكبير بين البيض البلدي وبيض المزارع الاحمر والابيض .؟.
نصيحة لاي مواطن او مستهلك لو بتشتري بيض من السوق ولقيت زفارة في البيض بنسبة كبيرة فبلاش تاكله ولو توفر قدامك بيض اغلى لكن مش زفر فأشتري الاغلى ومتعملش حساب لفرق السعر انا بقولك النصيحة دي ليه .؟.
لانك لو عرفت سبب الزفارة الموجودة في بعض انواع بيض السوق فمؤكد انك هتكره اليوم اللي اكلتة فية
اية سبب زفارة بعض انواع بيض السوق
او بعض انواع بيض المزارع سواء كان بيض احمر او ابيض .؟.
السبب الاساسي في زفارة البيض بيكون نتيجة نظام التغذية والتعليف لامهات البياض داخل المزارع دي
ما هو الشيء الذي يتسبب في زفارة بيض المزارع
طيب اصحاب المزارع بيأكلوا الدجاج اية وبيكون سبب في زفارة البيض و ريحتة زفرة .؟.
اي علف في السوق بيكون مكون من مصدر طاقة ومصدر بروتين ومركزات
نظام التعليف بيكون السبب الاساسي في طعم اللحم وكمان في طعم وريحة البيض
وبتنقسم المركزات دي لمركزات نباتية ومركزات اعلاف حيوانية
ما هو تأثير المركزات في علف الدجاج البياض وتأثيرة على البيض
المركزات فايدتها انها بترفع نسبة البروتين في الاعلاف ولان اي علف بيتم وضع الفول الصويا فيه بنسبة 10% فقط وبيستعين بالمركزات عشان توفر مع المصنع في الفول الصويا وبتقدر المركزات دي انها ترفع نسبة البروتين لحد 50% من حجم العلف
طيب اية المشكلة هنا
المشكلة هي طريقة استخلاص وصناعة المركزات وبالاخص المركزات الحيوانية واللي كتير من المزارع بتستخدمها .
صناعة المركزات الحيوانية بيكون ناتج من اعادة تدوير مخلفات طيور وحيوانات ميتة وبقايا المجازر وريش الدجاج والمصارين
كل البلاوي دي بتروح لمصانع اعادة تدوير المخلفات الحيوانية وداخل المصانع دي بيكون في ماكينات وافران ضخمة بتشتغل على فرم وتسخين المخلفات الحيوانية مع بعض الاضافات الاخرى عشان تدي في الاخر حاجتين
مركزات حيوانية يتم اضافتها على الاعلاف ويتم بيعها لمصانع انتاج الاعلاف واللي بيستخدموها في رفع نسبة البروتين في العلف لتوفير بعض الموارد الاخرى
او مركزات حيوانية بيتم استخدامها في صناعة السماد الزراعي
هتلاقي في السوق انواع اعلاف كتيرة منها الغالي ومنها الرخيص
منها اللي بيدخل فيها المركزات الحيوانية ودي بتكون رخيصة وبتكون هي السبب في زفارة البيض
ومنها اللي بيستخدم مركزات نباتية ودي بتكون غالية شوية نتيجة جودتها
50% من الامراض اللي بتصيب الطيور في المزارع والفيروسات بيكون نتيجة تركيبات الاعلاف الرديئة والمربي يقعد يلف حوالين نفسة ويتجنن وميعرفش انه اساسا اشتري المرض للطيور بالفلوس وده لانه استرخص العلف عشان يوفر مكسب ...في اعلاف بتوصل فيها نسبة السموم الفطرية لدرجة كبيرة كفيلة انها تقضي على القطيع قبل نهاية الدورة وده لان اغلب السموم الفطرية في الاعلاف بيكون تأثيرها على المدى البعيد بعد ارتفاع نسبة التوسع والانتشار في الطيور.
الكلام ده بقولة من فيديوهات شوفتها لمصانع في احدى الدول لاعاداة تدوير المخلفات الحيوانية لصناعة المركزات وبصراحة اتصدمت
طبعا كل ده قوم والجزئية العلمية التانية قوم تاني وهو تأثير الادوية والمضادات الحيوية على بيض الدجاج البياض
لانه اثبتت الابحاث ان العلاجات اللي بتتعاطاها امهات الدجاج البياض بتأثر بصورة سلبية على كفاءة البيض وبتترك اثر
وفي نهاية الكلام
#نصيحة
ربي شوية سمان في بيتك واعلفهم بأسلوبك وطريقتك واكل ولادك من بيضهم ولحمهم
في اليابان اي بيت فية سمان بيقولوا عليه انه منزل استطاع ان يؤمن مصدر غذاء جيد وصحي
ربي شوية فراخ بلدي واعلفهم بالطريقة اللي اتربينا عليها من زمان التقليدية وظبط علفهم بنفسك وهتاخد احسن بيض بلدي كمصدر صحي لبيتك
والسلام ختام
تعليقات
إرسال تعليق
يرجى الاشتراك في المدونة لكي تسطتيع اضافة تعليق ونشكركم جدا على حسن المتابعة : فريق عمل كوكب الصين