حل نهائي للبق-أعرف ما هو

قصة السفر عبر الزمن (قصة خيالية)

بابا هي اية اللعبة دي .؟.

دي يا حبيبي اسمها #طاولة 

طاولة..؟. يعني اية طاولة يا بابا.,؟

قولي الاول انت جيبت صورتها منين يا حبيبي؟

ده صديق ليا في جروب الفصل اون لاين كنا بنتكلم عن تاريخ

البشرية  وبعتهالي في الشات ولما سألته عنها, قالي انها كانت

ملك اجدادة في القرن الماضي وان جدة كان عنده حاجة اسمها

(قهوة) فيها العاب وحجات زي دي كتير وقعد يكلمني عن اسماء

حجات كتير مش فاهمها ومش مصدق  يا بابا ان الحجات دي

كانت بتحصل زمان او البشر كانوا يقدروا يعملوها .ويا ريت يا

بابا تحكيلي يعني اية قهوة واية كان بيحصل فيها ..؟.

زمان يا حبيبي كان فعلا في حاجة اسمها قهوة و كانت عبارة عن

مكان كبير

بيتجمع فيه الناس ويجلسوا مع بعض ويلعبوا العاب كتير تشبه

للعبة دي وكانوا

 كمان بيشربوا حاجة اسمها شيشة وكان يقدر اكتر من شخص

يشرب مع التاني في نفس الشيشة  وكان مسموح ليهم بالتلامس ..؟. 

تلامس .؟.

ازاي يا بابا كانوا بيقدروا يلمسوا بعض  من غير ما يتحرقوا .؟.

هما مش كانوا بشر عاديين زينا ولاا كانوا بيختلفوا عننا .؟.

فعلا يا حبيبي كانوا بيقدروا يلمسوا بعض ويحضنوا بعض

ويبوسوا بعض كمان . وده لانه في الوقت ده كانت البشر بتعيش

من غير شرائح الكترونية في اجسامهم ..

بابا طيب هما لية ركبوا لينا الشرائح دي في ايدينا  وليه منعونا

اننا نلمس بعضنا , ولية كمان الشرائح دي بتعاقبنا لما نعمل اي

حاجة غلط ,.؟ ولية كمان مسموح اني المسك والمس ماما عادي

  لكن لو لمسنا حد من خارج العيلة او اي شخص غريب ممكن

نتحرق   .؟. 

انت بتسأل اسئلة كتير يا حبيبي وعايز تعرف كل تاريخ البشرية

من شات واحد .

لكن اوعدك اني هحكي لك كل الاحداث اللي مرت بيها البشرية

في الشات اللي

جاي وهعرفك السبب من فرض قانون التباعد علينا ولية لغوا

#التلامس بس اللي

عايزك تعرفوا انهم مؤكد عملوا كدة بعد كارثة كبيرة حصلت

زمان قضت على

 اغلب البشرية وكانوا بيحاولوا  يحافظوا على ما تبقى من السلالة

البشرية

وعشان كمان ميحصلش انقراض للبشر زي كائنات كتير

انقرضت من عالمنا .

انتظرونا وللحكاية بقية :)

والى اللقاء مع الجزء الثاني

من قصة / السفر عبر الزمن (قصة خيال علمي)

احمدرمضان