قليل الاصل يا جوزها

القائمة الرئيسية

الصفحات



قليل الاصل يا جوزها


يا ناسي انثي عايشه معاك



يدوب ساعتين بتحتاجها



وباقي اليوم بترمي وراك


وتجري عنيك علي غيرها


وجوه البيت ف روح تهواك



ده يكفي بس لهفتها 



ف وقت الشدة طالبه رضاك



قليل الاصل يا ناكر



سنين ضاعت علشانك



لواحدة عايشة بتعافر



يدوب طمعانه ف حنانك



وكام كلمة تكون حلوه



تبل الريق تقويها


 
وتبعت ليها كام غنوة



تعيش وياك في معانيها



قليل الاصل لو تفضل



تعيش تمثال في متحفها



تسيب انوثتها تتبهدل



وتحضن وحدة بلحافها



قليل الاصل يا جوزها



يا ناسي انثى عايشة معاك



يدوب ساعتين بتحتاجها



وباقي اليوم بترمي وراك



هل اعجبك الموضوع :

تعليقات

-->