دنيا وقلبها دايمًا خالي / محمد عسل

القائمة الرئيسية

الصفحات

دنيا وقلبها دايمًا خالي / محمد عسل


محمدعسل

دنيا وقلبها دايمًا خالي

خاينة بتعشق للدوران

تِدي رخيص وبيصبح غالي

بس غلاوتُه بدون أتمان

تِدي الواطي بيصبح عالي

بس نهايتُه أكيد خسران

ممكن حد بـ عقل كَسيح

يصبح فيها مُدير كسبان

ممكن عقل نَبيه وفصيح

يصبح فيها حزين حيران

ممكن تلقىٰ الظالم عايش

واكل شارب بالمجان

ممكن تلقىٰ فقير مش لاقي

زارع شهد لكنُه جعان

دنيا وفيها الهَم كتير

دنيا مصير دناوتها تبان

ممكن تلقىٰ ضعيف إمبارح

أصبح واحد م الشُجعان

ممكن تلقىٰ وزير أو قاضي

داخل سجن يعيش مِتهان

ممكن تلقىٰ القلب الفاضي

سَكَنُه الحُب وبقى مليان

دنيا بجد حقيقي غريبة

دنيا عجيبة ماليها ضمان

تعشق فيها وتجري وراها؟

تبقىٰ وقعت ف بير حرمان

تهرب منها تروح تِلقاها؟

فاتحة الحُضن بشوق وحنان

دنيا وربك بيبَدلها

دنيا رخيصة ماليها أمان


هل اعجبك الموضوع :

تعليقات

-->