احلام ضائعة

القائمة الرئيسية

الصفحات




جوه بيتها عايشه ام 

تدي بس ف الحنان

بس لسه ناقصها حلم

حلم ضايع من زمان 

جوه بيتها عايشه تايهه

بالروابط والقيود 

نفسها في لحظة فايقه

بالايدين تهدم سدود 

نفسها تهرب ثواني

ترمي روحها ف الخيال

فوق كتافها حمل طافي

خلي حلم الليل محال
ساكنة فيها طفلة حلوه

كل ليلة بــ 100 سؤال

ليه يا صاحبة احلي غنوه

شايله فوق ضهرك جبال
النصيب خلاكي عايشة

جوه سجن الاحتمال

والعيون عايشه وشايفة

الروتين زي احتلال

ايوه حاسسه ايوه شايفه

مر صبر وعايشه فيه

ايوة سامعه فيكي انثي

حلمها مداس عليه


هل اعجبك الموضوع :

تعليقات

-->