القائمة الرئيسية

الصفحات

أخبار الاخبار[LastPost]

جارنا ومراتة وعلاج كورونا (قصة كوميدية)

جارنا ومراتة وعلاج كورونا (قصة كوميدية)


في ظل ازمة كورونا انقسم العالم امام عيني الى ثلاث اشخاص

باحث علمي في مختبر اجنبي كل يوم بيروج لنوع دواء جديد   لعلاج كرونا  

واعلامي انتهازي  بينتهز الفرصة ويعمل سبق صحفي على اسم الدواء

 واساسا الدواء بيكون لسة تحت التجربة السريرية يعني موصلش لمرحلة التجربة على البشر 

والنوع الثالث  واحد ومراتة  في شارعنا  

كل ما ينزل اسم دواء جديد لكورونا 
مراتة تقوله قوم يا راجل  هاتلنا منه ازازة او اتنين احتياطي للظروف 
وينزل صاحبنا  يلف في الصيدليات عشان يشتري الدواء اللي قالوا عليه 

الاسبوع اللي فات اعلنت فرنسا ان دواء الملاريا بيعالج كورونا 
مسك الاعلامي قلمة واشتغل اعلانات على دوا الملاريا 
زوجة  جارنا سمعت الخبر في التلفزيون وقامت تنادي على جوزها
قوم يا راجل وسيب اللي في ايديك وروح اي صيدلية وجيب لنا ازازتين للملاريا 

اخينا طبعا طلع يجري من الخوف بس خوفه كان من مراته مش من كورونا 

جري اخينا  يلف على الصيدليات عشان يشتري دواء الملاريا وبعد ما اشتراه 
واداه لمراتة تشيلة 

بعدها بيومين اعلنت  بريطانيا  و قالت لاء علاج الملاريا له اثار جانبية خطيرة وبلاش استخدامة 

الاعلامي عرف الخبر وطلع على الناس وقال يا ناس بلاش دوا الملاريا عشان له اعراض جانبية 

مرات صاحبنا اتنرفزت واضايقت لما سمعت الخبر ونادت تاني على جوزها وقالتله , قوم يا راجل وارمي المحروق اللي اشتريته بتاع الملاريا .عشان طلع له  اعراض جانبية 
جوزها  زعل وانصدم وبكل حسرة وندم  راح ورمى  دوا الملاريا في الزبالة .

طلعت بعدها  استراليا النهاردة واعلنت ان (سم القمل) بيقتل كورونا
الاعلامي سمع الخبر وهو بيقول في بالة ( هي الدول دي بتشتغلنا ولا اية .؟) ورجع تاني وقال مش مشكلة  هو احنا هنفهم احسن منهم   ..
وراح الاعلامي يعلن عن الخبر ان( مضاد القمل بيقتل كورونا )
زوجة جارنا  سمعت الخبر وبلمت وهي عمالة تسأل نفسنا ( بقى السم اللي بنحطة في دماغنا من سنين وفي شعرنا طلع علاج كورونا.؟.
فرحت اوي وراحت مزغرطة واتجمعت باقي ستات الحتة حواليها وهما بيسألوها عن سبب فرحتها في دهشة
ردت عليهم وقالت زغرطوا يا نسوان  , بتوع اوربا اكتشفوا ان سم القمل بيقتل كورونا
جوزها سمعها وقرب منها وقالها طيب وانتي فرحانة اوي لية كدة .؟.
ردت زوجتة وقالت له : عشان عندنا منه كتيررررر
هل اعجبك الموضوع :

تعليقات